Ин генерали собиқи тоҷик, ки дар ҷанги шаҳрвандии солҳои 1992-97 ба тарафдори аз ҳукумати ҳозира ҷангидааст, аз соли 2004 зиндонии якумрист. Додгоҳ ӯро ба қасди ташкили табаддулоти давлатӣ, хариди ғайриқонунии силоҳ, нигаҳдории он, сӯистифода аз мақоми хидматӣ ва дигар ҷурмҳои вазнин айбдор донист ва акнун беш аз 16 сол боз дар боздоштгоҳи Кумитаи давлатии амнияти миллӣ дар дохили маҳбаси рақами яки шаҳри Душанбе нигаҳдорӣ мешавад.
Баҳс бо рақибони собиқ дар зиндон
Оиша Мирзоева, хоҳари ӯ ба Радиои Озодӣ гуфт, ки рӯзи 28-уми август барои бародараш хурок бурд ва аз ин пештар бо ӯ мулоқот карда буд.
Ғаффор Мирзоев, ба қавли хоҳараш, аз он нигаронӣ кардааст, ки ӯро бо онҳое нигаҳ медоранд, ки замони ҷанги шаҳрвандӣ муқобилашон меҷангид.
Ӯ замони ҷанги шаҳрвандӣ фармондеҳи нерӯҳои Гордӣ миллӣ буд, ки сарбозони таҳти амраш дар сафи пеши ҷанг буданд. Дар он тарафи сангар мухолифини мусаллаҳ зери чатри Иттиҳоди мухолифини тоҷик қарор доштанд.
Ҳоло бархе аз чеҳраҳои шинохтаи Иттиҳоди нерӯҳои мухолифин, аз ҷумла аъзоёни ҳизби мамнуи наҳзати исломии Тоҷикистон бо ҳукмҳои тӯлонӣ дар ин маҳбас қарор доранд. Зуд-зуд пайвандони мухолифин аз шиканҷа шудани онҳо дар зиндон шикоят мекунанд.
Ғаффор Мирзоев киро дар назар дорад?
Генерали зиндонӣ аз афроди мушаххасе ном набурдааст, вале дар аризааш, ки онро хоҳараш ба Идораи зиндонҳо супурдааст, масъалаи интиқолаш ба дигар зиндон ва аз нав баррасӣ кардани парвандаашро тақозо кардааст.
“Гуфт, ки ӯро бо мухолифон ҷой кардаанд. Бо онҳо баҳс мекунад. Таънааш мекунанд, ки аз ҷанг, аз тарафи ҳукуматро гирифтан чӣ фоида дидӣ. Ғаффор хомуш намеистад ва ҳанӯз дар ҳамон ақидаи пешинааш ҳаст, вале гуфт, ки аз таънаҳо хаста шудааст. Мехоҳад парвандаашро аз сар баррасӣ кунанд ва ӯро то баррасии парвандааш аз СИЗО ба дигар ҷой баранд”,-гуфт Оиша Мирзоева, хоҳари Ғаффор Мирзоев.
Тайиди иддаои Ғаффор Мирзоев дар бораи баҳсаш бо мухолифини собиқ дар зиндон феълан ғайримкон аст. Хоҳараш мегӯяд, Ғаффор гуфтааст, ки ин баҳсҳои маъмулӣ миёни зиндониён аст, ки дар онҳо ҳеҷ хушунат вуҷуд надорад.
“Рӯ ба рӯ шудӣ, баҳс мекунӣ ва ин маънои ҷанг ё азоб додани якдигарро надорад. Хуб буд ё бад, онҳо солҳо муқобили якдигар ҷангиданд. Лекин аз рӯи қонун бояд Ғаффор дар ин зиндон набошад ва пас аз 10 сол якбор парвандааш аз сар баррасӣ шавад. Ӯ пир шудааст ва мехоҳад, ки дар 30 солагии истиқлолият озодаш кунанд”,-гуфт ӯ.
Мақомоти зиндон ваъдаи баррасии аризаро додаанд
Оиша Мирзоева мегӯяд, Мансурҷон Умаров, раҳбари муассисаҳои ислоҳии Вазорати адлияи Тоҷикистон аввали моҳи август ӯро пазируфт ва ӯ тавонист, арзи бародарашро ба ӯ расонад.
Дар бахши навбатдории муассисаҳои ислоҳии Вазорати адлия ба Радиои Озодӣ гуфтанд, ки аз ворид шудани ариза хабар надоранд, вале маъмулан ҳама аризаҳо бар асоси қонун баррасӣ мешаванд.
Бар асоси қонунҳои Тоҷикистон низомиёни собиқ бояд дар зиндони вижа нигаҳдорӣ шаванд. Ғаффор Мирзоев аз камтарин низомиёнест, ки солҳо боз дар Боздоштгоҳи КДАМ ҳамроҳ бо зиндониёни мулкӣ нигаҳдорӣ мешавад. Мақомот ҳеҷ гоҳ далели интиқол наёфтани ӯ ба зиндони вижа барои низомиёнро шарҳ надодаанд.
Фармондеҳи пешини Горди президентии Тоҷикистон Ғаффор Мирзоев соли 2004 боздошт ва баъди ду сол бо ҷурмҳои вазнин ба ҳабси абад маҳкум шуд.
Мирзоеви 64-сола беш аз 16 сол боз дар зиндон аст ва наздиконаш мегӯянд, борҳо хостааст, ки парвандааш аз нав баррасӣ карда шавад. Ӯ на ба ҳама айбҳое, ки алайҳаш эълон карданд, розӣ аст.
Ғаффор Мирзоев дар гузашта ба ҳайси раиси Оҷонси мубориза бо маводи мухаддир ва раиси Кумитаи миллии олимпии Тоҷикистон кор кардааст.
Оставьте в покое этот народ! Дайте им жить спокойно и мирно.
Пешво иктисоди оиларо дар назар дорад, вагарна зиёда 9% рушди иктисоди дар ягон мамлакати тараккикардаи дунё дар соли 2021 мушохида нашудаст. Бо ин хисоботхои дуруг ва рушди бемисли иктисод мо кайхо бояд Сигапурро мегузаштем, вале аз чи бошад ки точики бечора холо хам дар фикри орду равган ...
Дар Ватан одамон мурдаистодан , дар хукумат мачлис .... Как буд то дар Бадахшон 4 то пашша мурда бошад (((( Инкадар куштор , инкадар хуни мардуми бегунохро ки чавоб мегуфта бошад ?!
Ҳаққи ҳалоли халқи тоҷикро сӣ сол шуд, ки мехӯрам, аҳ сер намешавам, ба ман фарқе надорад, кӣ дар куҷо чӣ кор мекунад, муҳим ҳаққи худро талаб накунад, талаб ҳам кунад, артиши сархӯр дар ихтиёрам, фармон медиҳам якдигарро мехӯранд, аммо ман бо тӯдаи пайвандонам ҳаққи ҳамаро якҷо мехӯрем. Ҳар фарди ин миллат кушта шавад, ба нафси ман ҳаққи нав илова мешавад, аз сулҳу ваҳдат фақат худам истифода мебарам, аз сарқонун фақат худам истифода мебарам, аз ҳама шароите маъишӣ фақат худам истифода мебарам, дар беҳтарин шароит, дар беҳтарин хона, дар беҳтарин “кругозор” зиндагӣ мекунам. Халқро садқаи ҳаққу ҳуқуқ кунад, як подаи гов, шуморо чиву серию пурӣ чӣ?! Ба умри ман баракат диҳед!
Чаро ин хабархо дар телевизион пахш нашуд? Чои русти дорад магар? Хайрон мешавам баъзе яку якбора чунин ходисахоро хонда