Ҳангоми таркиши дастгоҳи худсохти мунфаҷира дар Сурия як генерали ҳарбии Русия ҷон бохта, ду каси дигар маҷруҳ шудаанд. Хадамоти матбуоти Вазорати дифои Русия 18-уми август ба хабарнигорон гуфтааст, ҳодиса дар 15-километрии шаҳри Дейр-аз-Зор рух дод. Хабаргузории ТАСС мегӯяд, ду низомии дигари рус захмӣ шудаанд. Баъзе аз расонаҳо аз шахси фавтида генерал-майор Вячеслав Гладких ном бурданд.