Пайвандҳои дастрасӣ

Хабари нав

Сокинони Тошкандро барои нақзи карантин беш аз 1 млн сӯм ҷарима карданд


Узбекистон аз чанд рӯз ба ин тараф дар карантин ба сар мебарад.
Узбекистон аз чанд рӯз ба ин тараф дар карантин ба сар мебарад.

Сокинони шаҳри Тошканди Узбекистон 27-уми март сарфи назар аз эъломи карантин кушиш карданд, ки дар саҳни яке аз биноҳои баландошёнаи зисти ноҳияи Чилонзор тӯй баргузор кунанд.

Ба иттилои расонаҳои маҳаллӣ, як қисми иштирокчиёни тӯй ниқоби тиббӣ надоштанд.

Баъди муроҷиати сокинони бино, ба маҳалли ҳодиса кормандони пулис ва ниҳодҳои дахлдори давлатӣ ҳозир шуда, баргузории тӯйро манъ карда, бо иштирокчиён корҳои фаҳмондадиҳӣ анҷом доданд.

Нақзкунандагони карантин ба маблағи беш аз 1 миллион сӯм (100 доллар) ҷарима карда шуданд.

Дар Узбекистон ба иллати коронавирус аз 16-уми март карантин эълом шудааст. Ҳамчунин аз 27-уми март сокинони ин кишвар вазифадор шудаанд, ки бидуни зарурат ба берун набароянд. Онҳо танҳо ба хотири хариди дору ва ғизо ҳаққи берун рафтанро доранд.

Дар ин кишвар то рӯзи 30-юми март шумори мубталоён ба коронавирус ба 144 нафар расидааст.

XS
SM
MD
LG