Аксари бонкоматҳои Ишқобод дубора бе маблағ монданд. Ба гуфтаи сокинони пойтахти Туркманистон, набуди нақдина дар бонкоматҳо аз оғози моҳи ҷорӣ мушоҳида мешавад.
"Сар аз 1-уми март сокинони Ишқобод дубора ба камбуди нақдина дар бонкоматҳо рӯ ба рӯ шуданд. Аксари бонкоматҳо фаъол нестанд ва онҳое ҳам ки фаъоланд, маблағ надоранд",-гуфт як сокини Ишқобод.
"Нафақахӯрон натавонистанд, то имрӯз нафақаашонро бигиранд",-гуфт ҳамсуҳбати мо.
Дар чунин шароит бештари сокинони Ишқобод натавонистаанд, ки моҳона, нафақа ва идрорпулиашонро бигиранд.
Сокинони Туркманистон ду соли охир аст, ки ҳар аз гоҳе ба мушкили камбуд ё набуди маблағ дар бонкоматҳо рӯ ба рӯ мешаванд.
