Пайвандҳои дастрасӣ

Хабари нав

Мақомоти Узбекистон тасмим надоранд, синни нафақаро боло баранд


Бинои Бунёди нафақаи Узбекистон.
Бинои Бунёди нафақаи Узбекистон.

Ҷамшед Кучкаров, вазири молияи Узбекистон хабарҳо дар бораи боло бурдани синни нафақаро дар ин кишвар шарҳ дод. Вай гуфт, боло бурдани синни нафақа дар ҳоли ҳозир дар баррасӣ нест.

Пештар аз ин расонаи Daryo.uz бо такя ба як манбааш дар ҳукумати Узбекистон навишт, ки синни нафақа барои мардон то 62 ва занон то 58 боло бурда хоҳад шуд.

Медет Тлеуов, муовини мудири Бунёди нафақаи Узбекистон гуфт, дар ин кишвар 15 миллион аҳолии қобили меҳнат мавҷуд аст, ки аз ин шумор ҳамагӣ 5 миллион кас андоз месупорад. Ин мақомдори Узбекистон гуфт, низоми нафақа аз имкониятҳои андозсупорандагон вобаста аст.

Намояндаи Бунёди нафақа ҳамзамон хабар дод, ки Узбекистон аз низоми муштараки нафақа ба низоми сесатҳии таъмини нафақа хоҳад гузашт.

Сатҳи аввал пардохти нафақаи минималии давлатиро дар бар мегирад. Сатҳи дувум - нафақаи дар суратҳисоби шахсӣ ҷамъшавии пардохтҳои нафақа ва сатҳи севум аз ҷониби шаҳрванд ворид кардани ҳаҷми нафақа ба Бунёди нафақаро дар бар мегирад.

XS
SM
MD
LG