Пайвандҳои дастрасӣ

Хабари нав

Таҳқиқи куштори ҷавони ҳамҷинсгаро дар Тошканд


Шокир Шавкатов

Шокир Шавкатов, як ҷавони 25 солаи узбек, ки чанде пеш дар Инстаграм ҳамҷинсгаро буданашро эътироф карда буд, шаби 12-уми сентябр дар Тошканд кушта шудааст.

Бахши узбекии Радиои Озодӣ хабар дод, ки ду марди чилсола бо гумони даст доштан дар ин куштор боздошт шудаанд. Ба гуфтаи шоҳидон, Шокир шаби 12-уми сентябр ба клубе рафта буд, ки маъмулан, он ҷо ҳамҷинсгароён гирдиҳам меоянд.

Дӯстонаш гуфтаанд, ӯро ду мард аз клуб берун карда, пас аз лату куб, гулӯяшро буриданд.

Мақомоти ноҳияи Юнусободи шаҳри Тошканд, ки ҳодиса он ҷо рӯх додааст, гуфтанд, ки «куштори барқасдона» таҳқиқ мешавад.

Модари Шавкат гуфтааст, ки ҷасади писараш ҳоло дар сардхона қарор дорад.

Дӯстони Шокир Ба бахши узбекии Радиои Озодӣ гуфтаанд, ки воқеан ӯ ҳамҷинсгаро буд.

Қаблан низ наворҳои лату куби ҷавонони зоҳиран ҳамҷинсгаро аз Узбекистон дар шабакаҳои иҷтимоӣ нашр шуда буд.

Гузоришҳои видеоӣ

"Ботлоқ". Шароити паноҳҷӯёни эронӣ дар Юнон. Филми мустанад. ВИДЕО
лутфан мунтазир бошед

Феълан кор намекунад

0:00 0:23:55 0:00
XS
SM
MD
LG