Пайвандҳои дастрасӣ

Хабари нав

Видоъ бо Валерия Порохова, тарҷумони маъруфи Қуръон фардо барпо мешавад


Маросими видоъ бо Валерия (Имон) Порохова, як тарҷумони маъруфи Қуръон ба забони русӣ, рӯзи 4-уми сентябр дар масҷиди марказии Русия воқеъ дар хиёбони "Проспект мира"-и шаҳри Маскав баргузор мешавад. Порохова рӯзи 2-юми сентябр дар Маскав дар 79-солагӣ даргузашт. Ӯро ҳамчун тарҷумони маъруф ва фаъоли ҳуқуқи мусалмонон дар Русия мешинохтанд. Донишмандони улуми Ислом ба тарҷумаҳои Порохова ба забони русӣ баҳои баланд дода, нусхаҳои кори ӯ, аз ҷумла дар қаламрави Иттиҳоди Шӯравӣ борҳо нашр шудааст.

Порохова соли 1975 бо як марди суриягӣ издивоҷ карда, дар Димишқ зиндагӣ ихтиёр кард. Соли 1981 дини Исломро қабул кард ва исми дуюми худро ба Имон тағйир дод. Дар Сурия ӯ ба тарҷумаи матни Қуръон пардохт ва соли 1991 ин кори худро ба анҷом расонид. Нусхаи тарҷумашудаи Қуръони Порохова 12 дафъа бознашр шудааст.

Гузоришҳои видеоӣ

Нашрияи мустақил дар Хатлон аз утоқи корӣ берун шуд
лутфан мунтазир бошед

Феълан кор намекунад

0:00 0:01:38 0:00
XS
SM
MD
LG