Пайвандҳои дастрасӣ

Хабари нав

Таҳқиқоти "Озодӣ": Дастури сарвазири Қирғизистон ба тафтиши берун бурдани $700 млн


Сарвазири Қирғизистон Муҳаммадқулӣ Абилғозиев дар робита ба таҳқиқи далелҳое ҷаласа баргузор кард, ки дар таҳқиқоти рӯзноманигории бахши қирғизии Радиои Озодӣ садо дода буданд.

Ғуломҷон Анарбоев, раиси Хадамоти давлатии иктишофи молӣ гуфт, дар соли 2014 хулосаи ниҳоди зери роҳбарии вай оид ба хориҷ бурдани маблағҳои зикршуда ба вазорати корҳои дохилӣ фиристода шуда буд. Хадамоти иктишофи молӣ ҳамчунин дар соли 2016 такроран хулосаашро ба Хадамоти давлатии мубориза бо ҷиноятҳои иқтисодӣ фиристодааст.

"Хулосаи мо оиди далелҳои ҷамъовардаи таҳқиқоти рӯзноманигорӣ ба мақомоти давлатӣ ирсол шуда буд. Дар ҳоли ҳозир Хадамоти иктишофи молӣ дар якҷоягӣ бо пулиси молӣ омӯзиши такрории берун бурдани 700 миллион долларро ба роҳ мондааст", - гуфт Анарбоев.

Сарвазири Қирғизистон дастур додааст, ки пажуҳиш суръат бахшида шавад. "На танҳо таҳқиқи мӯшикофона анҷом дод, балки ҳамзамон ҷомеаро бояд аз натиҷаҳои он хабардор кард", - гуфт сарвазир.

29 май бахши қирғизии Радиои Озодӣ хабар дод, ки хонаводаи Матраимовҳо дар берун бурдани садҳо миллион доллар аз Қирғизистон даст доранд.

Гузоришҳои видеоӣ

Деҳи ман: Лайрони боло дар Сангвор
лутфан мунтазир бошед
Embed

Феълан кор намекунад

0:00 0:01:42 0:00
XS
SM
MD
LG