Пайвандҳои дастрасӣ

Хабари нав

Ҳунарманд Меляев барои мондани риш аз "Туркманфилм" иҷозатнома гирифт


Акс аз бойгонӣ.

Дар шабакаҳои иҷтимоии Туркманистон санаде бо имзои раҳбари иттиҳодияи "Туркманфилм" чарх мезанад, ки ба ҳунарманд Анна Меляев иҷозат медиҳад, барои нақшаш дар як филм мӯйлаб ва риш бимонад.

Раҳбари иттиҳодия гуфтааст, онҳо дар асоси китоби президент Қурбонгулӣ Бердимуҳаммадов "Туркманистон - қалби Роҳи абрешими бузург" филми таърихиеро ба навор мегиранд.

"Филм дорои саҳнаҳои таърихӣ хоҳад буд. Бинобар ин, иттиҳодия ба қаҳрамони асосӣ Анна Меляев иҷозат медиҳад, ки дар давраи наворгирӣ риш ва мӯйлаб дошта бошад", - омадааст дар санад.

Мақомоти Туркманистон ба мардон иҷозат намедиҳанд, ки риш монанд ва онҳоро таҳдид мекунанд, ки дар сурати мондани риш ба тундгароӣ айбдор хоҳанд шуд. Ин маҳдудият ба калонсолоне, ки дар чорабиниҳои гуногуни давлатӣ иштирок мекунанд, дахл надорад.​

Гузоришҳои видеоӣ

Ахбори Озодӣ аз 22-уми июли соли 2019
лутфан мунтазир бошед
Embed

Феълан кор намекунад

0:00 0:15:00 0:00
XS
SM
MD
LG