Пайвандҳои дастрасӣ

Хабари нав

ИМА барои эҷоди боварӣ байни мардум ва милисаи тоҷик маркази нав сохт. ВИДЕО


Ҷон Поммершайм

Бо пули сафорати Амрико дар Тоҷикистон 49-умин маркази ҳамкории милиса бо ҷомеа ба кор оғоз кард. Маркази нав дар шаҳри Турсунзода бунёд шуда, ҳадафи он ба гуфтаи сафири Амрико “эҷоди боварӣ байни милиса ва ҷомеа аст".

Ҷон Марк Поммершайм, сафири Амрико дар Душанбе, рӯзи 10 май ҳангоми ифтитоҳи марказ бо зикри онки аз ислоҳоти милиса дар Тоҷикистон хушҳол аст, гуфт, кишвараш бо бунёди марказҳои нав мехоҳад ба ин раванд кумак кунад.

Маркази нав дар шаҳри Турсунзода бо маблағи қариб ним миллион сомонӣ бунёд шуда, барои кормандони милиса ва шӯрои ҷамъиятии назди пулис шароити корӣ фароҳам мекунад. Мақомоти Вазорати умури дохилии Тоҷикистон ҳам мегӯянд, вақти он расидааст, ки мардум бо пулис ҳамкории зич дошта бошанд.

Абдулло Навҷувонов, муовини вазири корҳои дохилӣ, рӯзи 10 май ба Радиои Озодӣ гуфт, "мардум набояд ягон чизро пинҳон кунанд".

“Мардум бояд ягон чизро пинҳон накунанд, шӯрои ҷамъиятӣ бояд бо милиса дар ҳама самтҳо ҳамкорӣ кунанд. Мақсад танҳо ҳамин аст, бояд ҳама чиз ошкор бошад,” -- гуфт Абдулло Навҷувонов.

Муовини вазири умури дохилӣ аз ин бештар суҳбат накард ва аз ҷумла ба суоли Радиои Озодӣ дар бораи онки чаро ислоҳоти милиса то ҳол натавонист сатҳи шиканҷаро коҳиш диҳад ва бовари мардумро ба худ бештар намояд, посух надод.

Ислоҳоти милитсия қарор аст то соли 2020 идома кунад ва барои он то имрӯз як миллиард сомонӣ харҷ шудааст.

Бар асоси ин ислоҳот, номи милиса ба пулис иваз мешавад ва ба гуфтаи мақомот бояд ин ниҳод бо мардум алоқаи зич дошта бошад. Аммо ба гуфтаи коршиносон бархе аз падидаҳо аз ҷумла шиканҷа ва беҷазоӣ ба садде миёни мардум ва милиса табдил ёфтааст.

Маркази нави ҳамкории милиса ва ҷомеа дар Турсунзода ифтитоҳ шуд
лутфан мунтазир бошед

Феълан кор намекунад

0:00 0:02:59 0:00

Гузоришҳои видеоӣ

Вазири афғон дар Тоҷикистон: Ҷанг монеаи ҷиддӣ аст
лутфан мунтазир бошед

Феълан кор намекунад

0:00 0:03:58 0:00
XS
SM
MD
LG