Дар натиҷаи садамаи як автобуси ҳомили кӯдакон дар вилояти Калугаи Русия 7 нафар ба ҳалокат расидаанд. Расонаҳои Русия бо такя ба вазорати ҳолатҳои фавқуллода хабар додаанд, ки дар миёни қурбониён 4 кӯдак ва се фарди калонсол ҳастанд.
Ҳодиса рӯзи 3-уми феврал рух додааст ва 32 нафари дигар аз ҷумла 24 кӯдак ба шифохона интиқол ёфтаанд. Дар автобус кудакон ва волидонашон будаанд ва аз шаҳри Яртсево ба як озмуни рақс ба шаҳри Калуга мерафтаанд. Бино ба иттиллои муқаддамотӣ, ях сабаби аз роҳаш хориҷ ва чаппа шудани автобус шудааст.
