Пайвандҳои дастрасӣ

Хабари нав

USAID дар Хатлон барномаи нави кӯмак ба кишоварзонро роҳандозӣ кард


Соли 2012 USAID ба кишоварзони тоҷик трактор тақдим карда буд

Оҷонсии ИМА оид ба рушди байналмилалӣ (USAID) дар шаҳри Бохтар лоиҳаи нави панҷсола дар заминаи “Рақобатпазирии соҳаи кишварзӣ дар Тоҷикистон”-ро ба ҳусни оғоз бахшид. Намояндаи муваққатии Сафорати ИМА Кевин Коверт ва муовини Раиси вилояти Хатлон Раҷабалӣ Раҷабов дар ҳузури беш аз 170 нафар ин лоиҳаро рӯзи 14 ноябр дар шаҳри Бохтар (собиқ Қӯрғонтеппа) муаррифӣ карданд.

Ин барнома барои тақвияти рақобатпазирии соҳаи кишоварзӣ, махсусан дар бахши истеҳсоли маҳсулоти ширӣ ва боғдорӣ, рушди иқтисодӣ, афзоиши шуғли аҳолӣ ва беҳтар кардани шароити зисти деҳқонон равона шудааст.

Лоиҳа дар 12 ноҳияи вилояти Хатлон - Хуросон, Абдураҳмони Ҷомӣ, Ёвон, Кӯшониён, Яхч, Леваканд, Ҷалолиддини Балхӣ, Ҷайҳун, Дӯстӣ, Қубодиён, Шаҳритус ва Носири Хусрав амалӣ мешавад. Дар иттилоияи сафорати ИМА дар Тоҷикистон гуфта мешавад, ки дар ин ноҳияҳо аз соли 2012 барномаи USAID оид ба кӯмак дар таъмини амнияти ғизоӣ амал мекунад.

Гузоришҳои видеоӣ

Умеду ноумедиҳо аз пешниҳоди афв дар Тоҷикистон
лутфан мунтазир бошед

Феълан кор намекунад

0:00 0:04:17 0:00
XS
SM
MD
LG