Дар сӯхтори як нуқтаи фурӯши сӯзишворӣ дар ноҳияи Лайлаки Қирғизистон чаҳор нафар ҷароҳат бардошт. Вазорати ҳолатҳои фавқулодаи Қирғизистон эълон кард, ки яке аз онҳо шаҳрванди Қирғизистон ва се тани дигар шаҳрвандони Тоҷикистон ҳастанд.
Сӯхтор соати 20-30-и рӯзи 4-уми июл сар зад.
Ин нуқтаи фурӯҳи сӯзишворӣ дар наздикии марзи Тоҷикистон воқеъ аст ва дар хомӯш кардани оташ мақомоти тоҷик низ ёрӣ додаанд. Маҷруҳон дар бемористон бистарӣ ҳастанд.
Дар натиҷаи сӯхтор 9 мошини боркашу сабукрав низ оташ гирифт. Сабабҳои сӯхтор мушаххас карда мешавад.
