Самал Еслямова, ҳунарпешаи қазоқ, ҷоизаи беҳтарин бозигари занро дар ҷашнвораи имсолаи Кан дарёфт кардааст. Ин ҳунарпешаи 33-сола нақши як модари муҷарради бекорро бозӣ кардааст, ки аз Осиёи Марказӣ ба Маскав рафта, дар саргардонӣ ба сар мебарад.
Дар маросими тақдими ҷоизаҳо, рӯзи 19-уми май, ҷоизаи беҳтарин филмнома миёни Ҷаъфар Паноҳӣ аз Эрон барои филми “Се рух” ва коргардони итолиёӣ Алиса Рохвачер тақсим шуд.
Ҳукумати Эрон Паноҳиро мамнуъ-ул-хуруҷ кардааст, аммо ӯ тавонист филми худро ба ҷашнвораи Кан бифиристад. Шуморе аз филмсозони дигар, бо шумули коргардонҳои ҷопонӣ, лаҳистонӣ ва амрикоӣ низ барандаи ҷоизаҳои ҷашнвора шуданд.