Пайвандҳои дастрасӣ

Хабари нав

"Раиси кадрҳои ВКД 15 кило вазнашро партофт"


Соли гузашта тақрибан 20 корманди масъули Вазорати умури дохилии Тоҷикистон барои доштани вазни аз меъёр зиёд муваққатан аз вазифаҳои худ гирифта шудаанд.

Рамазон Раҳимзода, вазири корҳои дохилӣ, рӯзи 8-уми феврал гуфт, онҳое ки вазни худро танзим мекунанд, дубора дар мақомҳои худ барқарор хоҳанд шуд. "Бубинед, худи раиси кадрҳо чӣ қадар лоғар шудааст. Шумо ӯро дар гузашта дида будед? Ӯ 15 кило вазнашро партофт. Худи ӯ мисоли аён аст", - афзуд вазир.

Талошҳо барои танзими вазни кормандони умури дохилӣ дар доираи Барномаи хоси ислоҳоти милиса анҷом мегирад. Чаҳор соли пеш Вазорати корҳои дохилии Тоҷикистон “Стратегияи ислоҳоти милиса барои солҳои 2013-2020”-ро қабул кард.

Бар асоси як дастури вазири корҳои дохилии Тоҷикистон вазни коргар бояд ба баландии қади ӯ мувофиқат кунад ва шиками бузург надошта бошад. Масалан, агар баландии қади корманди Вазорати корҳои дохилии Тоҷикистон 1 метру 70 сантиметр аст, вазни ӯ набояд аз 70-75 кило бештар бошад.

XS
SM
MD
LG