Пайвандҳои дастрасӣ

Хабари нав

Эрдӯғон мегӯяд, Туркия "хоки Сурияро зери чашм накардааст"


Раҷаб Тайиб Эрдӯғон зимни муроҷиат ба порлумон дар рӯзи 18-уми январи соли 2018

Раҷаб Тайиб Эрдуғон, раиси ҷумҳури Туркия ба ҳамтои фаронсавиаш Эммануел Макрон гуфтааст, ки ҳадафи амалиёти низомии Туркия дар қаламрави Сурия барои поксозии “унсурҳои террористӣ” аст, на барои ғасби доимии қаламрави Сурия.

Бино ба гузориши хабаргузории расмии Анадолуи Туркия, аз рӯзи 3-уми феврал, Эрдуғон дар гуфтӯгуи телефонӣ бо Эммануэл Макрон гуфтааст, ки Туркия ба “қаламрави ҳеҷ кишвар чашм надӯхтааст.”

Туркия рӯзи 20-уми январ амалиёти заминиву ҳавоӣ бо номи “Шохаи нахл”-ро дар минтақаи Африни Сурия ва ба зидди размандагони курд оғоз кард. Минтақа зери назорати Воҳиди Муҳофизати Мардум, як гурӯҳи курдҳои Сурия аст.

Туркия мегӯяд, дар ин амалиёт ба онҳо Артиши Сурияи Озод, гурӯҳи мухолифи ҳукумати раиси ҷумҳур Башшор Асад кӯмак мекунад.

Туркия мегӯяд, ки Воҳиди Муҳофизати Мардум бо Ҳизби Коргарии Курдистон иртибот дорад. Размандагони ин ҳизб бештар аз 30 сол аст, ба зидди ҳукумати Туркия меҷанганд ва ҳизби онҳоро, Туркияву Амрико ва Иттиҳодияи Аврупо созмони террористӣ медонанд.

Айни замон шарикони ғарбии Туркия дар ҷанг бо гурӯҳи ба ном Давлати исломӣ бо Воҳиди Муҳофизати Мардум ҳамкории наздик доштанд ва онро гурӯҳи террористӣ намешуморанд.

Эммануел Макрон зимни суханронӣ дар Давос дар рӯзи 28-уми январ
Эммануел Макрон зимни суханронӣ дар Давос дар рӯзи 28-уми январ

Эммануэл Макрон, раиси ҷумҳури Фаронса, ҳафтаи гузашта дар як мусоҳибае гуфт, ки агар амалиёти Туркия, “амалиёти ишғолгарона” бошад, пас Фаронса бо он “мушкили ҷиддӣ” хоҳад дошт.

Баъди ин баёния, Мавлуд Човушоғлу, вазири умури хориҷии Туркия гуфт, ки бо ишора ба таърихи ишғолгарии Фаронса гуфт, ин кишвар ягон ҳаққи “дарс додан ба мо” дар робита ба амалиёти фаромарзиро надорад.

Пештар аз ин хабар, гузориш шуд, ки Туркия рӯзи 3-уми феврал дар ҷанг ба зидди размандагони курд дар Туркия 7 сарбозашро талаф додааст.

Вебсайти хабарии курдии Рудов, бо такя ба гуфтаҳои артиши Туркия навишт, ки 5 сарбозаш дар натиҷаи ҳамла ба тонки онҳо кушта шудаанд. Ду нафари дигар дар бархӯрдҳои алоҳида ҷон додаанд.

Ҳамингуна Туркия дар амалиёт дар минтақаи Африни Сурия то кунун 14 сарбозашро талаф додааст.

Айни замон, як мақоми расмии ҳукумати Туркия гузориши Дидбони Ҳуқуқи Башарро рад кард, ки рӯзи 3-уми феврал гуфт, посбонони курд, яксара ба сӯи паноҳҷӯён аз Сурия тир меандозанд ва баъзе аз онҳоеро, ки мехоҳанд, вориди Туркия шаванд, пас мегардонанд.

Иброҳим Қолин, сухангӯи Раҷаб Тайиб Эрдуғон ба хабарнигорон гуфт, сарбозони Туркия барои муҳофизати он мардум дар марз истодаанд ва Анкара аз замони оғози ҷанг дар Сурия дар соли 2011 сиёсати “дарҳои боз”-ро пеш гирифтааст.

Назари хонандагон

New Comments Available

Агар сухане, назаре ё хабаре доред, ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG