Пайвандҳои дастрасӣ

Арабистони Саудӣ ба занҳои танҳо раводид медиҳад


Занҳои Арабистони Саудӣ дар кӯчаи Риёз. Сентябри соли 2017

Мақомоти Арабистони Саудӣ ироаи раводид ба занҳои аз 25-сола болоро, ки бидуни раҳбаладии мардҳо ба ин кишвар меоянд, оғоз мекунанд. Дар ин бора нашрияи "ArabNews" рӯзи 11-уми январ хабар дод.

Интизор меравад, татбиқи қоидаи нав дар семоҳаи аввали соли 2018 шурӯъ шавад. Раводиди якдафъа ба муддати як моҳ пешниҳод мешавад.

Қаблан занҳои ҷавон ҳақ надоштанд бе раҳбаладии шавҳар ё бародар ба Арабистони Саудӣ сафар кунанд.

Кумисюни сайёҳии Арабистони Саудӣ мегӯяд, мақомот қоидаи навро ба хотири боло бурдани ҷаззобияти кишвар дар байни ҷаҳонгардон ҷорӣ мекунанд.

Чанд моҳ боз дар Арабистони Саудӣ бо ибтикори шоҳзодаи валиаҳд Муҳаммад Бин Салмон ислоҳот ҷараён дорад. Моҳи октябр занҳо аз ҳаққи ронандагӣ ва гаштугузор дар маконҳои ҷамъиятӣ бархӯрдор шуданд. Баргузории намоишҳои консертӣ ва тафреҳӣ дар кишвар низ имконпазир шуд. Авохири соли гузашта маълум шуд, ки баъд аз танаффуси 35-сола дари кинотеатрҳо ба рӯи тамошобинон боз мешавад.

Мақомоти Саудӣ мехоҳанд бо истифода аз бартариҳои дигари иқтисодӣ вобастагии кишварро аз нафт коҳиш диҳанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG