Пайвандҳои дастрасӣ

Мошинронии занҳо дар Туркманистон мамнӯъ шуд


Ронандагии занҳо дар Туркманистон сар аз моҳи декабри соли 2017 мамнӯъ эълон шуд. Расонаҳои маҳаллӣ менависанд, моҳи декабр барои вайрон кардани ин талабот нозирони роҳ занҳоро ҷарима карданд.

Сар аз ибтидои моҳи ҷорӣ акнун нозирони ҳуҷҷатҳои ронандагии занҳоро мегиранд ва мошинҳоро ба ҷаримагоҳ мебаранд.

"Дар ибтидо ман ин хабарро ҳамчун шӯхӣ қабул кардам, аммо баъдан бо он рӯ ба рӯ шудам. Ҳоло занҳо метарсанд, ки пушти фармони мошин нишинанд", - мегӯяд як зан аз Ишқобод.

Як манбаи дигар аз Туркманистон мегӯяд, аз занҳои мансабдоре, ки бо мошинҳои шахсиашон ба коргоҳ меомаданд, забонхат гирифтаанд, ки дигар пушти фармони мошин нанишинанд.

Бино бар иттилои расонаҳои маҳаллӣ, вазири корҳои дохилии он кишвар Искандар Муликов рӯзи 5 декабр дар як гузориш ба раисҷумҳури Туркманистон навиштааст, ки бештари садамҳо бо айби занон сар мезанад. Президент ба вазир дастур дод, ки "вазъро ислоҳ кунад".

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG