Шумори қурбониёни сӯхтор дар Калифорнияи Амрико ба тақрибан 40 нафар расид. Мақомот гуфтанд, ки ин маргбортарин сӯхтор дар таърихи Калифорния будааст.
Дар ҳоли ҳозир садҳо нафар барои хомӯш кардани сӯхтор дар ин аёлат талош доранд.
Ба гуфтаи мақомоти Калифорния, то кунун беш аз 85 ҳазор бино ва идораҳои тиҷоратӣ сӯхта, ба хок яксон шудааст. Мақомот гуфтанд, то ҳанӯз сесад тани дигар нопадид шудаанд.
Сӯхтор, ки дар дар аёлати Калифорния як ҳодисаи маъмулӣ дониста мешавад, ҳангоме зиндагии сокинонро бо таҳдид рӯбарӯ кард, ки боди тунд оташро аз токистонҳо то хонаҳои мардум расонд.
