Раҳбари мухолифини Русия Алексей Навалний мегӯяд, барои изҳороти алайҳи президент Путин эҳтимол ба ҷони ӯ суиқасд сурат бигирад. Ӯ ин эҳтимолро 50 дар сад мешуморад.
Навалний ин назари худро дар сӯҳбат бо шабакаи телевизионии CBS баён дошт, ки порчаҳои он рӯзи 5 август ба интернет роҳ ёфтанд. Ӯ дар посух ба суоли эҳтимоли зиндонӣ шуданаш дар заминаи фаъолиятҳои зиддикоррупсионӣ гуфт, ки чунин қарорро танҳо Путин қабул мекунад. "Ҳеҷ кас намедонад, ки аз зеҳни ӯ чӣ мегузарад", - гуфт Навалний.
Машҳуртарин мунаққиди ҳукумати Русия, Алексей Навалнии 41-сола мехоҳад, ки дар интихоботи президентии соли 2018 иштирок кунад, агарчӣ қонунгузории Русия чунин имконро барои ӯ пеш аз пеш маҳдуд кардааст.
Баъди ташкили аксияи "Антисубботник", дар таърихи 8 июл, ситоди интихоботии Навалний ва намояндагиҳои ӯ дар манотиқи Русия павайста мавриди тафтиш қарор мегиранд ва ҷонибдоронаш боздошт мешаванд.
