Пайвандҳои дастрасӣ

Сел ба ноҳияи дигари Тоҷикистон осеб расонд ВИДЕО АКС


Дар ноҳияи Овчӣ дар ноҳияи Деваштич, сел ба 25 хона осеб расонидааст. Сокинони русто рӯзи 2-уми июл ба Радиои Озодӣ хабар доданд, ки рӯзи 1-уми июл тахминан соати 1 борони сахт ва омехта бо жола борид ва сипас оби сел ва гил, аз кӯҳҳо ҷорӣ шуда ба баъзе аз хонаҳои истиқоматӣ ҷорӣ шуд.

Дар видео ва аксҳое, ки аз маҳҳали ҳодиса ба Радиои Озодӣ фиристоданд, дида мешавад,ки як хона дар дохили сел мондааст ва киштзорҳои мардум ҳам зери оби сел ва гил нобуд шудаанд. Ба гуфтаи мусоҳибони Радиои Озодӣ рӯзи 2-уми июл мақомоти ноҳияи Деваштич ба рустои Овчӣ омаданд ва гуфтанд, ки хисороти воридаро муайян мекунанд ва мумкин аст, ба осебдидагон кӯмак расонанд.

Ба гуфтаи сокинони Овчӣ чунин сел, дар ин деҳа, ки байни кӯҳҳо ҷойгир аст, бори охир соли 1989 омадааст. Дар ин фалокати табиӣ касе осеб надидааст.

Аз ин пеш сел дар дар деҳаи Амондараи ноҳияи Панҷакент ба 70 хона осеб расонд ва чанд хонаро зери обу гил кард. Cокинони ин хонаҳо дар хонаҳои хешу табор ба сар мебаранд. Борони зиёд шоми 26-уми июн дар деҳаи Амондараи Панҷакент сабаби зери лой ва гили ғализ мондани манзили мардум шуд.

Рустам Қаҳҳоров, раиси ҷамоати Амондара, рӯзи 28-уми июн дар сӯҳбат бо Радиои Озодӣ гуфт, “обу лой аз дарёчаи Амондара фаромада, боиси талаф ёфтани чанд моли мардум низ шуд. Талафоти ҷонӣ сабт нашудааст”.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG