Ҳасан Рӯҳонӣ, раиси ҷумҳури Эрон ва довталаби боз як даври дигари раёсат, рақибони муҳофизакораш дар корзори интихоботиро танқид кард ва гуфт, ки "давраи зуроварӣ ва тундравӣ"-и онҳо ба охир мерасад. Дар ин бора хабаргузории ИСНА рӯзи 8 май гузориш дод. Рӯҳонӣ ҳоло маъракаи интихоботиашро дар қисмати ғарбии Эрон пеш мебарад.
Интихоботи раёсати ҷумҳури Эрон рӯзи 19 май баргузор мешавад. Тарафдорони сиёсати зур ё хашин Рӯҳониро танқид мекунанд ва мегӯянд, созишномаи ҳастаӣ, ки ӯ бо қудратҳои ҷаҳонӣ дар соли 2015 имзо кард, фоидаи иқтисодӣ ба бор наовард. Рӯҳони ҳушдор дод, ки интихоби рақибони ӯ ба мақоми раёсати ҷумҳур худкомагиро дар кишвар тавсеа медиҳад.
