Пайвандҳои дастрасӣ

Қатли як зан ба дасти шавҳараш дар ноҳияи Бобоҷон Ғафуров


Як марди чиҳилсолаи сокини ноҳияи Бобоҷон Ғафуров ба гумони қатли ҳамсараш боздошт шудааст. Дар Вазорати умури дохилии Тоҷикистон рӯзи 29 апрел гуфтанд, ки ҳодиса ду рӯз қабл дар пайи муноқишаи хонаводагӣ иттифоқ афтодааст. “Муайян гардид, нафари гумонбар бо ҳамсари 35-солааш ҷанҷол карда, бо корди хоҷагӣ ёздаҳ бор ба узвҳои бадани дувумӣ задааст”, - гуфтанд дар вазорат. Ба иттилои манбаъ, дар натиҷа зан аз захмҳои бардоштааш дар ҷойи ҳодиса ба ҳалокат расидааст. Дар робита ба ин қазия бар асоси моддаи 104-и Кодекси ҷиноӣ, яъне “куштор” парванда боз шуда, тафтиши қазия идома дорад. Мақомот мегӯянд, ин ҳодисаи ягонаи қатли зан аз сӯи шавҳар нест. Охири соли гузашта Додгоҳи вилояти Суғд Бахтиёр Худойбердиев, сокини 47-солаи деҳаи Пошкенти шаҳри Истаравшанро барои қатли ҳамсари ҷавонаш ба 21 соли зиндон маҳкум карда буд. Мақомоти додгоҳ гуфтанд, Худойбердиев ҳамсарашро бо 17 зарби корд ба қатл расондааст. Ҷомеашиносон мегӯянд, ки аксари ин кушторҳо дар заминаи рашк ва нобоварӣ миёни ҳамсарон рух додааст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG