Пайвандҳои дастрасӣ

ВКД Украина ҳуввияти қотили Вороненковро мушаххас кард


Павел Паршов

Вазорати умури дохилии Украина ҳуввияти мардеро мушаххас кард, ки рӯзи 23 март бо тири туфангаш сиёсатмадори русро дар маркази Киев ба ҳалокат расонд. Сухангӯи вазорат гуфт, ки шахси ҳамлагар марди 28-солаи зодаи Қрим Павло Паршов аст ва чеҳраи ӯро баъди маргаш дар муқоиса бо навори видеоии хиёбонӣ шиносоӣ карданд. Паршов дар паи ҷароҳате, ки аз тири туфанги муҳофизи Денис Вороненков бардошт, дар бемористон даргузашт. Як узви миллатгарои маҷлиси Украина дар саҳифаи Фейсбукаш ҳадс задааст, ки Паршов як маъмури махфии Русия буд.

Ба гуфтаи ӯ, русҳо ба Паршов нахуст кӯмак карданд, ки вориди Беларус шуда баъдан дар Русия “аъмоли харобкорӣ” омӯзад. Баъди ин ба Украина баргашта ба нирӯҳои артиши ин кишвар шомил шуд ва мунтазири гирифтани амру фармони Русия буд, ки бо куштори Вороненков анҷомид. Тибқи гузоришҳо, Паршов 13 моҳ дар артиш хизмат карда моҳи август озод шуд. Вале вазорати умури дохилаи Украина гуфт, ки ҳоло исми ин шахсро нашр карда, ҷузъиёти дигари расмиро баъдан, дар ҷараёни тафтишот маълум хоҳад кард.

Денис Вороненков, баъди 6 соли кор дар думаи давлатии Русия ба Украина паноҳ бурд ва ба мунаққиди ашадии Кремл табдил шуд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG