Пайвандҳои дастрасӣ

Хабари нав

Ҳаракат дар шоҳроҳи Душанбе-Хуҷанд аз ду самт имконпазир шуд


Масъулони ширкати IRS мегӯянд, ки дар нимаи дувуми рӯзи сешанбеи 1 феврал ҳаракати мошинҳо аз ду самт дар шоҳроҳи Душанбе-Хуҷанд, имконпазир шудааст. Далер Мерганов, сухангӯи ин ширкат рӯзи 2 феврал дар сӯҳбат ба Радиои Озодӣ гуфт, ки ҷадвали ҳаракати нақлиёт, ки рафтуомад дар рӯзҳои ҷуфт аз Душанбе ва рӯзҳои тоқ аз Хуҷандро пешбинӣ мекард, бардошта шуд. Аммо ҷаноби Мерганов гуфт, ки имрӯз дар ин шоҳроҳ бафрборӣ пешгӯӣ шудааст ва имкон дорад бо мушкил шудани вазъ ва фаромадани тарма, реҷаи ҳаракати мошинҳо, дигарбора ҷорӣ карда шавад. Сар аз 28 январ бар асари барфбориҳои шадид ва резиши тарма, ҳаракат дар ин масир ба мушкил рӯбарӯ шуд. Бар асари резиши тарма дар минтақаи Майхӯраи Варзоб 6 нафар ҷони худро аз даст доданд.

XS
SM
MD
LG