Дар яке аз саррофиҳои маркази Москва беш аз 20 миллион рубли як зани мевафурӯшро аз Қирғизистон ғорат кардаанд.
Бино ба ттилои life.ru, Д. Билимаи 30-сола ба пулис муроҷиат карда, гуфтааст, ки 24 миллион рубли ӯро дуздиданд. Ба гуфтаи ин зан, ӯ барои харидории доллар ба саррофӣ омада буд, вале хазинадор пулҳоро гирифта ғайб задааст.
"Фурӯшандаи бозор бо мақсади иваз кардани рублҳояш ба доллар ба саррофии воқеъ дар кӯчаи Бахрушин омадааст. Ӯ пеш аз омадани худ хазинадорро ба воситаи телефон огаҳ кардааст, ки пули зиёд меорад. Кормандони саррофӣ низ баъди гирифтани пул бедарак шудаанд", - гуфтааст манбаи расона.
Ба маҳалли ҳодиса гуруҳи муфаттишон ҳозир ва таҳқиқи қазия шуруъ шудааст. Тавре маълум гардид, зан дар яке аз бозорҳои ҷанубу шарқи пойтахти Русия мева мефурӯхтааст.
