Пайвандҳои дастрасӣ

СММ: Мардуми Мазойёро наҷот бояд дод


Созмони Миллали Муттаҳид хостори ба таври оҷил аз шаҳри Мазойёи Сурия берун кардани аҳолии мувоҷеҳ ба гуруснагӣ шуд.

Стивен О'Брайан, раиси Идораи СММ оид ба кӯмаки башарӣ, рӯзи 11 январ, баъд аз нишасти Шӯрои амният гуфт, бояд аз ин шаҳр тақрибан 400 нафарро, ки ба кӯмаки фаврии тиббӣ ниёз доранд, ба дигар мавзеъ интиқол дод. Ӯ аз ошӯбгарон, ки шаҳрро таҳти назорат доранд ва нерӯҳои ҳукуматии Сурия, ки Мазойёро ним сол боз дар муҳосира гирифтаанд, даъват кард то интиқоли бехатари афроди бар асари гуруснагӣ дар вартаи марг қарордоштаро таъмин кунанд.

Ба иттилои созмони “Табибони бидуни марз”, аз 1 декабри соли гузашта ба ин сӯ дар Мазойё бар асари гуруснагӣ 28 нафар ба ҳалокат расидаанд.

Кумитаи байнулмилалии Салиби Сурх рӯзи душанбе ба ин шаҳр дар 44 мошини боркаш маводи озуқа ва дигар кӯмаки башарӣ фиристод. Гуфта мешавад, ки тақрибан 40 ҳазор сокини Мазойё, шаҳри воқеъ дар наздикиҳои марзи Лубнон, ба хотири зинда мондан алаф ва ҳайвоноти хонагиро истеъмол мекунанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG