Мақомоти интизомии Тоҷикистон мегуянд, рӯзи ҷумъа зимни амалиёте дар шаҳри Душанбе аз мошини як сокини пойтахт тақрибан 30 кило ҳероин кашфу мусодира кардаанд. Вазорати умури дохилӣ рӯзи 2-уми август дар вебсайташ хабар дод, ки рӯзи 30-уми июл ҳангоми тафтиши мошини як сокини 44-солаи дар маҳаллаи 46-уми Душанбе аз дохили мошини ӯ се бастаи ҳероинро пайдо карданд. Вазорат номи шаҳрванди боздоштшударо ошкор накардааст. Алайҳи ӯ парвандаи ҷиноӣ боз карданд.
