Дар кишварҳои гуногуни сайёра рӯзи ҷумъа метавон кусуф ё гирифтани офтобро мушоҳида кард. Наззораи ин ҳодисаи нодири табиӣ, ба гуфтаи мутахассисон, дар Арктика ва шимоли Аврупо беҳтар аст.
Ин нахустин кусуф дар Аврупо дар беш аз даҳ соли ахир аст. Қарор аст, ки гирифтани пурраи офтоб 2 дақиқаву 47 сония идома кунад.
Кусуф дар ҳоле сурат мегирад, ки Моҳ аз байни Офтоб ва Замин мегузарад. Мутахассисон ҳушдор медиҳанд, ки ҳангоми кусуф бидуни айнакҳои махсус ба офтоб нигаристан қатъан манъ аст.
