Пайвандҳои дастрасӣ

Хабари нав

Боздошти як узви "Давлати исломӣ" дар Олмон


Дар додгоҳи шаҳри Динслакен, воқеъ дар ғарби Олмон, рӯзи 11 январ алайҳи як гумонбари узвият ба гурӯҳи “Давлати исломӣ” айб эълон мешавад. Ба иттилои хабаргузории DPA, марди олмонии 24-сола, ки аз ӯ чун Нилс Д ном бурда мешавад, рӯзи шанбе боздошт шуд. Кормандони амниятӣ манзили зисти ӯро кофтукоб карданд.

Гуфта мешавад, ки Нилс Д дар ягон нақшаи мушаххаси ташкили ҳамлаи террористӣ даст надорад. Ӯ аз ибтидои соли гузашта таҳти назорати мақомоти амниятии Олмон қарор дошт.

Ба иттилои мақомоти ҳифзи тартибот, Нилс Д соли 2013 дар Сурия бо намояндагони гурӯҳи “Давлати исломӣ” мулоқот карда, ба Олмон баргашт.

Яке аз барадарзодаҳои ӯ – шаҳрванди Олмон моҳи августи соли гузашта дар ҷанги Сурия кушта шудааст.

XS
SM
MD
LG