Президенти Тоҷикистон Азамшо Шарифиро сафири Тоҷикистон дар Арабистони Саудӣ таъин кард. Дафтари матбуоти президенти Тоҷикистон рӯзи 5 ноябр ба радиои Озодӣ гуфт, ки президент Эмомалӣ Раҳмон сардори раёсати робитаҳои хориҷии дастгоҳи иҷроияи президент Азамшо Шарифиро сафири Тоҷикистон дар Арабистони Саудӣ таъин кард. Ӯ дар ин симат Абдулло Юлдошевро иваз мекунад. Абдулло Юлдошев, ки сафири Тоҷикистон дар Арабистони Саудӣ ва ҳамчунин намояндаи доимии Тоҷикистон дар Созмони ҳамкории исломӣ буд, ба далели ба нафақа рафтанаш аз мақом озод шудааст.
