Бан Ки Мун, Дабири кулли СММ, аз ишғоли ҳарчӣ бештари қаламрави шимоли Сурия аз сӯи гурӯҳи “Давлати исломӣ” изҳори нигаронӣ кард. Бино ба изҳороте, ки рӯзи сешанбе дафтари матбуоти ӯ нашр кард, Дабири кулл аз ҳамаи онҳое, ки имкони ҳимоя аз мардуми осоиштаи шаҳри Айн-ул-Араб ё Кобаниро доранд, хостори ёрмандӣ шудааст.
Аз ин пештар ҷангиёни гурӯҳи “Давлати исломӣ” баъд аз даргириҳои шадид барои вуруд ба ин шаҳри воқеъ дар марзи Туркия муваффақ шуданд. Айн-ул-Араб се ҳафта дар муҳосираи гурӯҳи “Давлати исломӣ” қарор дошт.
Рӯзҳои ахир бар асари даргириҳо садҳо ҳазор сокинони ин шаҳри асосан курднишин Айн-ул-арабро тарк намуда, дар қаламрави Туркия панаҳ бурданд. Рӯзи сешанбе созмонҳои хайрия ба интиқоли низомиёни маҷрӯҳ ва сокинони осоишта ба қаламрави Туркия машғул буданд.
