Донишмандон мегӯянд, умри дунё назар ба он чӣ ки қаблан бовар мерафт, бештар будааст. Ташхиси дақиқтари радиатсияи бозмонда аз замони офариниши дунё нишон дод, ки “Таркиши бузург” ё “Big Bang” ҳанӯз 13,8 миллиард сол пеш рух додааст. Яъне тақрибан 100 миллион сол қаблтар аз ҳисобҳои қаблӣ. Ин кашфиёт аз нахустин натоиҷи таҳлили маълумотест, ки моҳвораи “Planck”-и Ожонси кайҳоншиносии Аврупо дастрас кардааст.