Пайвандҳои дастрасӣ

Хабари нав

Ду зоири пиёдаи тоҷик ба шаҳри Мадина расиданд


Зоирони пиёдаи тоҷик сафари худро моҳи май аз Кӯлоб оғоз карда буданд.

Ду тан аз зоирони пиёдаи тоҷик, ки дар марзи Аморати Муттаҳидаи Арабӣ дармонда буданд, ба шаҳри Мадина расидаанд.

Ду зоири пиёдаи тоҷик, ки баҳори имсол ҳамроҳ бо шаш ҳамсафари дигар ба нияти зиёрати Хонаи Худо ба роҳ баромада буданд, рӯзи ҷумъаи 19-уми октябр ба шаҳри Мадинаи Мунаввара расидаанд.

Дар ин бора дафтари матбуоти Кумитаи дини Тоҷикистон иттилоъ дода мегӯяд, зоирони пиёдаи тоҷикро намонядагони расонаҳои хабарӣ, аз ҷумла телевизиони Мадина, истиқбол гирифтаанд.

Ин ду зоири пиёда ду ҳафта пеш дар марзи Аморати Муттаҳидаи Арабӣ бо Арабистони Саудӣ барои камбуд ва иштибоҳ дар ҳуҷҷатҳо ва надоштани роҳхат барои анҷоми фароизи ҳаҷ боздошт шуда буданд. Баъдан бо кӯмаки намояндагии Тоҷикистон дар Аморати Муттаҳидаи Арабӣ онҳо мушкилашонро ҳал ва рӯзи 12-уми октябр ба роҳи худ идома бахшиданд.

Ҳанӯз дар охири моҳи майи соли ҷорӣ 8 тан аз сокинони ноҳияи Ҳамадонии вилояти Хатлон ба қасди зиёрати Хонаи Худо пиёда озими сафари ҳаҷ шуданд. Ду нафари онҳо бинобар беморӣ ва пеш омадани кори муҳим қатъи сафар карданд, аммо 4 нафари дигар аз пиёда рафтан худдорӣ намуда, аз Эрон тариқи ҳавопаймо ба Арабистони Саудӣ рафтанд.

Танҳо Абдулазиз Раҷабов ва як ҳамроҳи ӯ ба қасди худ содиқ монда, билохира бо убури марзҳо ба зиёрати Хонаи Каъба расиданд.

Дар навор: Зоирон барои адои маросими ҳаҷ омодагӣ мебинанд

Зоирон барои адои маросими ҳаҷ омодагӣ мебинанд
лутфан мунтазир бошед

Феълан кор намекунад

0:00 0:00:38 0:00
Линки мустақим

Хонандаи азиз, моро дар шабакаҳои Facebook, Twitter ва Youtube низ ҳамроҳӣ кунед!

Шарҳҳоро бинед (19)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG