Пайвандҳои дастрасӣ

Ҳамла ба мошини дипломатҳои амрикоӣ дар Пешовар


Бар асари як ҳамлаи интиҳорӣ дар шаҳри Пешовари Покистон, ду шаҳрванди Иёлоти Муттаҳида захмӣ шудаанд.

Сафорати Амрико дар Покистон мегӯяд, ду корманди консулгарии Иёлоти Муттаҳида дар шаҳри Пешовар бар асари як ҳамла ба мошинашон захмӣ шудаанд. Дар баёнияи сафорат омадааст, дар ин бомбгузорӣ ҳамчунин ду корманди покистонии консулгарӣ ҷароҳат бардошта ва ҳамаи чаҳор нафар дар шифохона бистарӣ шудаанд.

Сафорати Амрико мегӯяд, ҳадафи ин ҳамлаи зоҳиран террористӣ, мошини сафорат будааст. Пештар аз ин, мақомоти Покистон гуфта буданд, ки дар ин бомбгузории интиҳорӣ ду шаҳрванди Амрико ҳалок шудаанд.

Хабаргузориҳои покистонӣ менависанд, ҳамла дар минтақае бо номи Обдара руд, ки биноҳои созмонҳои хориҷӣ, аз ҷумла Созмони Миллали Муттаҳид ва Консулгарии Амрико ҷойгир ҳастанд, рух дод.

Ҳанӯз ҳеҷ фард ё гурӯҳе масъулияти ин ҳамларо напазируфтааст, аммо Толибон дар гузашта масъулияти ҳамчунин ҳамлаҳоро бар ӯҳда гирифтаанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG