Пайвандҳои дастрасӣ

Рӯзи якшанбеи 6 май фаронсавиҳо дар даври дуюми интихоботи раёсатҷумҳурӣ, аз байни ду номзад якеро интихоб хоҳанд кард.

Коршиносон имкони пирӯзии Франсуа Олландро баланд арзёбӣ намуда, тахмин мезананд, ки барои аввалин бор дар тӯли 20 соли гузашта, пешвои сотсиалистони Фаронса ба сари қудрат меояд.

Агар пешбиниҳо дуруст бароянд, рӯзи якшанбе дар даври дуюм ва ниҳоии интихоботи президентии Фаронса раиси ҳизби сотсиалист Франсуа Олланд бар рақибаш-раисиҷумҳури феълии ин кишвар Николас Саркозӣ дастболо хоҳад шуд. Дар даври аввал ҳам Ҳолланд бо беш аз 28,5 дарсади раъйҳо, Саркозиро дар ҷои дуюм гузошта буд.

Кристиан Макариан, сармуҳаррири ҳафтаномаи фаронсавии “Экспресс” мегӯяд, Олландро мардум хуб намешиносанд, вале раъйдиҳандагон аз ҳукуматдории Саркозӣ хаста шудаанд: “Ба фикрам мо бояд пирӯзии эҳтимолии Франсуа Олландро ҳамчун эътироз ба Саркозӣ баррасӣ намоем. Қабл аз он, ки мо дар бораи пуштибонӣ аз номзади ҳизби сотсиалист ҳарф занем, ба фикрам мо бояд хотирнишон кунем, ки ин эътироз ба тарзи кору шахсияти Саркозӣ мебошад.”

Ҳолланд ваъда додааст, ки дар сурати пирӯзиаш маоши президентро тахминан 33 дар сад коҳиш дода, масуният, яъне иммунитети президент дар додгоҳро аз байн мебарад.

Ҳолланд ҳоло бо як хонуми рӯзноманигор бо номи Вероника Триервилйер ҳамзистӣ дорад. Қаблан ӯ бидуни никоҳи расмӣ бо Сеголен Роял-собиқ довталаби курсии президентӣ аз ҳизби сотсиалист 25 сол ҳамзистӣ намуда, ин ҷуфт чор фарзанд ба дунё овардааст.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG