Дар Тоҷикистон ба зудӣ ҷашнвораи саросарии гурӯҳҳои ҳунарии оилавӣ бо номи «Гули мақсуд» ифтитоҳ хоҳад шуд. Ба навиштаи «Авесто»- ношири ин хабар, даври аввал ва дувуми озмуни «Гули мақсуд» дар сатҳи шаҳру навоҳӣ ва вилоёт аз 20 то 30 май хоҳад гузашт. Ба даври ниҳоии ҷашнвора, ки моҳи июн дар Душанбе доир хоҳад шуд, якгурӯҳӣ аз вилоёти Суғду Бадахшон ва водиҳои Рашту Ҳисор ва ду гурӯҳ аз вилояти Хатлон роҳхат хоҳанд гирифт.
