Садҳо нафар дар шаҳри Оқтави Қазоқистон бинои додгоҳи муваққатеро, ки парвандаи 37 нафари муттаҳам дар ошӯби хунини Жанаозенро баррасӣ мекунад, иҳота карданд. Издиҳом мехост, дар мурофиа ширкат кунад, вале дар толор барои ҳама ҷои нишаст ёфт нашуд. Дар моҳи декабр дар Жанаозен дар ҷараёни даргирии байни пулис ва коргарони нафт дастикам 16 нафар аз тири пулис кушта шуд. 37 нафари эҳзоршуда ба ташкили ошӯб айбдор мешаванд. Аммо тарафдорони онҳо ин иттиҳомро радд карда, пулисро масъули хунрезӣ ном мебаранд.
