Пайвандҳои дастрасӣ

Эътирози ҳайати амрикоӣ ба суханони Аҳмадинажод


Курсиҳои холии ҳайати амрикоӣ ҳангоми суханронии Маҳмуди Аҳмадинажод дар нишасти Душанбе

Ҳангоми суханронии раисиҷумҳури Эрон дар нишасти панҷуми RECCA дар Душанбе ҳайати амрикоӣ толорро тарк карданд.

Ҳайати Иёлоти Муттаҳида ба раҳбарии Роберт Блейк, ёвари котиби давлатии Амрико, ҳангоми суханронии Маҳмуди Аҳмадинажод -- раисиҷумҳури Эрон дар нишасти панҷуми RECCA дар Душанбе, толорро тарк карданд.

Ин амалкарди ҳайати амрикоӣ ба нишони эътироз аз ҳарфҳои раисиҷумҳури Эрон будааст, ки гуфт, нерӯҳои хориҷӣ ҳарчӣ зуд бояд хоки Афғонистонро тарк бикунанд.

Аҳмадинажод дар суханронии худ иллати аслии мушкили мардуму миллати Афғонистонро дар мудирияти НАТО ва мутаҳиддонаш унвон кард. Ӯ гуфт, "магар ин намунаи ҳоким бар Афғонистон ва дигар аз нукоти ҷаҳон нест?" Ба эътиқоди Аҳмадинажод, то замоне ки ин сиёсат вуҷуд дорад, расидан ба аҳдофи сулҳу субот мушкил аст.

Маҳмуди Аҳмадинажод ҳангоми суханронӣ дар нишасти панҷуми RECCA дар шаҳри Душанбе
Маҳмуди Аҳмадинажод ҳангоми суханронӣ дар нишасти панҷуми RECCA дар шаҳри Душанбе
Илова бар ин, президенти Эрон пешниҳод кард, ки бояд дар кӯтоҳтарин фурсат нерӯҳои хориҷӣ Афғонистонро тарк кунанд ва иҷоза бидиҳанд, то миллату давлати Афғонистон худ дар кишварашон ҳоким бошанд. Зеро ба таъкиди Аҳмадинажод, "бидуни тардид, мардуму давлати Афғонистон қодиранд, ки давлати худро идора кунанд."

Ҳамчунин раисиҷумҳури Эрон гуфт, "агар ба муддати даҳ сол, солона 25 дарсад аз ҳазинаи низомиёни хориҷӣ ва НАТО дар Афғонистон дар ихтиёри давлати Афғонистон қарор бигирад, ин ба манфиати ҳама хоҳад буд."

Ҳайати амрикоӣ танҳо пас аз анҷоми суханронии Маҳмуди Аҳмадинажод дубора ҷойҳои худро дар толори конфронс ишғол карданд. Ин ҳайат ба раҳбарии Роберт Блейк то як рӯзи дигар дар Тоҷикистон боқӣ монда, хулосаи сафари худро дар як нишасти хабарии ҷудогона баён хоҳад дошт.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG