Пайвандҳои дастрасӣ

Хабари нав

Сафари паҳлавонони тоҷик ба Маскав


Чаҳор варзишгари тоҷик барои ширкат дар мусобиқаи гуштии самбо ба пойтахти Русия рафтаанд.

Паҳлавонони тоҷик дар мусобиқаи байналмилалии ёдбуди Анатолий Харлампиев, поягузори гуштии самбо, ки рӯзҳои 25-26-уми март дар шаҳри Маскав баргузор мешавад, иштирок хоҳанд кард.

Ба иттилои Маҳмуди Абдуллоҳ, дабири кулли Федеросиюни самбои Тоҷикистон, дар ин мусобиқаи анъанавии байналмилалӣ, ки барои бори 33-юм барпо мегардад ва яке аз давраҳои Ҷоми ҷаҳонии самбо ҳисоб меёбад, ширкати беш аз 200 варзишгар аз 22 кишвар дар назар аст.

Ширкаткунандагони мусобиқа дар ду навъи рақобатҳо - самбои варзишӣ ва самбои размӣ қувваозмоӣ мекунанд.

Дар ин мусобиқа чаҳор паҳлавони тоҷик - Акмалиддин Каримов (57 кг), Мустафо Ҳасанов, Сайфиддин Раҷабов (ҳарду – 68 кг) ва Аҳтам Ҳусейнов (+100 кг) дар рақобатҳо оид ба самбои варзишӣ ширкат меварзанд.

Шарҳҳоро бинед (1)

Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG