Нируҳои ҳукуматии Сурия рӯзи сешанбе дар ҷараёни ҳамлаҳои нави худ ба шаҳрҳои Ҳумсу Даръо ва Идлиб 45 нафарро ба қатл расондаанд. Дар ин бора фаъолони ҳуқуқи башари Сурия хабар додаанд. Ин дар ҳолест, ки қарор аст имрӯз хонум Валери Амос-муовини Дабири Кулли СММ дар умури башарӣ аз Димишқ боздид кунад. Интизор меравад, ки вай дар бораи қатъи хунрезиҳо ва имкони расондани кӯмакҳои башарӣ ба аҳолии манотиқи диргир музокира анҷом диҳад.
