Дар Душанбе эълон шудааст, ки дар охири даҳаи аввали моҳи март Алӣ Акбар Солеҳӣ-вазири корҳои хориҷаи Эрон аз Тоҷикистон боздид анҷом медиҳад. Вай дар ҷараёни ин боздид бо Эмомалӣ Раҳмон-раиси ҷумҳур ва бо Ҳамроҳхон Зарифӣ-вазири корҳои хориҷаи Тоҷикистон мулоқот мекунад. Эрон яке аз шарикони иқтисодии Тоҷикистон ба шумор меравад. Ниругоҳи “Сангтӯда-2” ва нақби “Истиқлол” аз тарҳҳои ҳамкории муштараки ин ду кишвар ба шумор меравад. Дар оянда сохтмони ниругоҳи “Айнӣ” дар рӯдхонаи Зарафшон бо сармоягузории Эрон ба нақша гирифта шудааст.
