Дар шаҳри Душанбе нахустин давраҳои омӯзиши забони русӣ барои муҳоҷирони корӣ ба поён расид. Омӯзиш якуми октябр шурӯъ шуд ва 5 моҳ давом кард. Ҳоло дар Русия ва дар шӯъбаҳои донишгоҳҳои Русия дар хориҷ аз ин кишвар 160 маркази омӯзиши забони русӣ барои муҳоҷирони корӣ фаъолият мекунад. Леонид Слутский-раиси яке аз кумитаҳои Думаи Давлатии Русия гуфтааст, аксарияти ин марказҳо дар Тоҷикистону Қирғизистон боз шудаанд. Дар ин марказҳо баъд аз хатми давраҳои омӯзишӣ шаҳодатнома ё сертификат медиҳанд, ки он барои корёбӣ дар Русия кӯмак мекунад. Донистани забони русӣ ба муҳоҷирон пеш аз ҳама барои ҳимоят аз ҳуқуқи худашон зарур аст.
