Пайвандҳои дастрасӣ

Хабари нав

Омодагии дастаи Тоҷикистон ба бозӣ бо Кореяи Шимолӣ


Дастаи мунтахаби футболи Тоҷикистон ба бозии сабқати интихобии Ҷоми ҷаҳон-2014 бо тими Кореяи Шимолӣ дар шаҳри Хуҷанд омодагӣ мебинад.

Бозии даври охирини гурӯҳи “С” миёни тимҳои миллии Тоҷикистону Кореяи Шимолӣ дар варзишгоҳи “20-солагии Истиқлолияти Тоҷикистон”-и шаҳри Хуҷанд 29-уми феврал соати 13 оғоз меёбад.

Ба ҳайати тими миллии кишвар таҳти раҳбарии сармураббӣ Камол Алиспаҳич, мутахассиси босниягӣ, 23 футболбоз шомил аст: 12 нафар аз тими “Истиқлол”-и Душанбе, 8 нафар аз дастаи “Регар-ТадАЗ”-и Турсунзода, якнафарӣ аз тимҳои “Равшан”-и Кӯлобу “Энергетик”-и Душанбе ва як лагионер аз бошгоҳи “Шинник”-и Ярославли Русия.

Ҳайати дастаи мунтахаби миллии Тоҷикистон:

Дарвозабонҳо: Алишер Тӯйчиев («Истиқлол»), Владимир Сисоев («Регар-ТадАЗ»), Саидҷон Саидраҳмонов (“Равшан”);

Ҳимоятгарон: Фарҳод Восиев (“Шинник”, Ярославл), Соҳиб Саванқулов, Давронҷон Эргашев, Умед Ҳабибуллоев (ҳарсе – «Истиқлол»), Алексей Неъматов, Далерҷон Тухтасунов, Фаррух Чориев (ҳарсе – «Регар-ТадАЗ»), Аҳтам Назаров («Энергетик»);

Нимҳимоятгарон: Хуршед Маҳмудов, Илҳомҷон Ортиқов (ҳарду – «Регар-ТадАЗ»), Нуриддин Давронов, Ҷаҳонгир Ҷалилов, Иброҳим Рабимов, Маҳмадалӣ Содиқов, Фатҳулло Фатҳуллоев, Дилшод Восиев (ҳама - «Истиқлол»);

Ҳамлагарон: Аҳтам Ҳамроқулов, Комил Саидов (ҳарду – «Регар-ТадАЗ»), Фарҳод Тоҳиров, Юсуф Рабиев (ҳарду - «Истиқлол»).

Дар доираи омодагӣ дастаи мунтахаби Тоҷикистон рӯзи 26-уми феврал бо тими “Хуҷанд”-и Хуҷанд бозии санҷишӣ анҷом дод ва бо ҳисоби 1:0 пирӯз шуд. Голро Фаррух Чориев дар дақиқаи 71-ум ба самар расонд.

Дастаи мунтахаби Кореяи Шимолӣ, ки рӯзи 26-уми феврал ба шаҳри Хуҷанд омад, дар маркази таълимиву тамринии Бонки миллии Тоҷикистон, воқеъ дар шаҳри Қайроққум, ҷой гирифтааст. Як рӯз қабл аз бозӣ, 28-уми феврал, бо тими миллии Тоҷикистон дар варзишгоҳи "20-солагии истиқлолияти Тоҷикистон"-и шаҳри Хуҷанд тамрин хоҳад кард.

Шарҳҳоро бинед (9)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG