Дар ҷараёни боздиди дурӯзаи Нурсултон Назарбоев-раиси ҷумҳури Қазоқистон аз Олмон ба арзиши 3 миллиард евро қарордодҳо ба имзо расидаанд. Вазири иқтисод ва технологияи Олмон гузориш дод, ки миёни ду кишвар ҳудуди 50 карордоди ҳамкорӣ имзо шудааст, вале аз додани тавзеҳот дар бораи ин қарордодҳо худдорӣ кард. Қаблан вазорати хориҷаи Қазоқистон хабар дода буд, ки дар бораи маводи хом, саноат ва технология қарордодҳо имзо мешаванд.