Пайвандҳои дастрасӣ

Шаҳри Ҳумс дар зери оташпораи нерӯҳои Асад


Ба гуфтаи фаъолону сокинон, бар асари бомббори дигарбораи нерӯҳои Сурия дар Ҳимс, камаш 12 кас кушта шудаанд.

Фаъолон мегӯянд, нерӯҳои давлатӣ аз чархболҳои ҷангӣ ва мушакандозҳо кор бурдаанд.

Рӯзи ҷумъа дар ин шаҳри ошӯбзада беш аз 200 нафар ҷон бохта буд. Бо ин ҳол, Русияву Чин аз ветояшон ба тарҳи қатъномаи Шӯрои Амнияти Созмони Милал ҳимоят карданд.

Ин тарҳ саркӯбии эътирозҳои Сурияро маҳкум ва ба истеъфои раиси он ҷумҳурӣ Башор Асад даъват мекард. Вазири хориҷаи Русия Сергей Лавров вокуниши Ғарб ба ветои Маскаву Пекинро “наздик ба васваса” хонд ва гуфт: “Ин қатънома чунин маъно дошт, ки Шӯрои Амният аз як ҷониби ҷанги шаҳрвандии Сурия пуштибонӣ мекунад.”

Сухангӯи вазорати хориҷаи Чин Лю Веймин ҳам гуфт, давлати Чин хостори адолат аст, на пуштибони режими Сурия.

Аз тарҳи Лигаи Араб, ба истиснои Чину Русия, 13 узви дигари Шӯрои Амният ҳимоят карданд ва вазири хориҷаи Амрико Ҳилларӣ Клинтон ветои Чину Русияро "музҳик" номида, гуфт, Маскаву Пекин аз "режими ваҳшиёнаи Димишқ" пуштибонӣ мекунанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG