Масъулияти ташкили кобинаи вазирони Тунис ба Ҳамадӣ Ҷабалӣ, раҳбари рақами дуи ҳизби мӯътадили исломии Ан-Наҳда супурда шуд. Ан-Наҳда дар интихоботи моҳи октябр бо касби 89 курсӣ аз 217 курсии парлумони Тунис баранда шуда буд. Ҷабалӣ 62 сол дошта, дар аҳди режими Зайналобуддин Бин Алӣ 15 солро пушти панҷара ба сар бурдааст. Бин Алӣ нахустин ҳокими араб аст, ки дар моҳи январ дар натиҷаи эътирозҳои густардаи мардум барканор шуд.
