Паҳлавони ҷавони тоҷик Комроншоҳи Устопириён дар қаҳрамонии самбо унвони қаҳрамони ҷаҳон дар байни наврасонро ба даст овард. Мусобиқоти ҷаҳонии самбо байни наврасон дар Рига- пойтахти Латвия идома дорад. Комроншоҳи Устопириён дар вазни 81 кило дар бозии ниҳоӣ бар Ивайло Иванов аз Булғористон ғалаба карда, соҳиби нишони тило шудааст. Ӯ соли гузашта бори аввал қаҳрамони ҷаҳон дар байни наврасон шуда буд. Аз Тоҷикистон дар ин мусобиқот 9 гуштигир намояндагӣ мекунанд.
