"Вол-Стритро тасарруф кунед!"

Моҳи гузашта гурӯҳи хурди ҷавонон ҳирсу тамаъҷӯии ширкатҳои бузургро маҳкум намуда, бо тақозои адолат дар маркази молии Ню-Йорк, яъне дар яке аз паркҳои канори кӯчаи маъруфи Вол-Стрит урдугоҳе ташкил намуд.

Ҷунбиши “Вол-Стритро тасарруф кунед!” чандсад нафарро зери парчамҳояш ҷамъ намуда, дар баъзе шаҳрҳои Амрико, аз қабили Бостон, Чикаго, Вашингтон, Лос-Анҷелес ва Сан-Франсиско низ пуштибон пайдо кардааст.

Хабарнигори Радиои Фардо Ҳонои Ковиёнӣ дар як сӯҳбати телефонӣ бо Марк Брей, сухангӯи ҷунбиши “Вол-Стритро тасарруф кунед!” хоҳиш намуд, ибтидо дар бораи худаш ва поягузории ин ҳаракат иттилои бештар диҳад.