Шӯришиёни Либия аз ду самти Троблус ба нерӯҳои раҳбари Либия Муаммар Қаззофӣ ҳамла карданд. Даргириҳо дар Зовия, 50-километрии ғарби Троблус дар ҳоле идома доранд, ки гуфта мешавад, шӯришиён назорати худро ба ин шаҳр ва яке аз марказҳои полоиши нафт таҳким доданд. Ҳамзамон гурӯҳи дигари онҳо аз Злитон, шарқи Троблус ба пойтахти Либия ҳамла кардаанд. Дар ин даргирӣ зиёда аз 30 размандаи шӯришгарон кушта шудаанд. Сухангӯи Қаззофӣ, Мӯсо Иброҳим мегӯяд, дар ҳарду ҷабҳа бартарӣ бо нерӯҳои давлат аст.
